हामीले भोट किन गर्ने ??

जब पहिलो संबिधान सभाले निर्धारित समयमा संबिधान जारी गर्न सकेन त्यस पछि नेपाली जनतालाई नयाँ संबिधान आउने कुरामा शंका बढ्दै गयो | संबिधान सभाको अतिरिक्त समयसम्ममा पनि संबिधान नबनी संबिधान सभाको अवसान हुनुले झन निरासा र अन्योल छायो | नेताहरु असक्षम र दलहरु निकम्मा साबित भए |  अन्तत निर्दलीय सरकार गठन भयो | सरकार संग जनताका अपेक्षा घट्दै गए | निर्दलीय सरकारले संबिधान सभाको दोश्रो निर्वाचन गराउने कुरा गर्दा पनि जनतामा अबिस्वास छाईरह्यो भने केहि दलहरु निर्वाचन मा सामेल नहुने र निर्वाचनको बिरोध सहित बहिस्कार गर्ने कुराले जनतामा उत्साह ल्याउन सकेन | ठुला दलका नेता हरुको भनाई र गराई मा देखिएको अन्तरले शंकाको आकार ठुलो पार्दै गयो |

जनतामा नैरास्यता छ , अबिस्वास छ, शंका छ, अन्योल छ; नयाँ संबिधान आउने कुरामा, मुलुक आर्थिक सम्ब्रिधि तिर जाने कुरामा , देशमा सुसासन आउने कुरामा, भ्रस्टाचारीलाई कारवाही हुने कुरामा | तर के हो त विकल्प ? के अर्को मुलुकले हाम्रो देशमा सुसासन ल्यईदेला? वा हाम्रो देशमा सम्ब्रिधि ल्याउनलाई अर्को कुनै देश बाट कसैलाई झिकाउनु( Import गर्नु ) पर्ने हो? यहाँ का सबै दल वा नेता हरु निकम्मा हुन्, कसैले नेत्रित्यो गर्न सक्दैनन? सबै व्यक्तिगत स्वार्थ र दलगत स्वार्थमा फसेका छन् ? सबै भ्रस्ट र अनैतिक हुन् ? यति भएपनि ठिकै थियो उनीहरु संग स्पस्ट नीति छैन वा दुर दृष्टि छैन ? वा हामी जनताको छनोट गलत हो ? हामीले लालचमा लागेर वा आफ्नो व्यक्तिगत स्वार्थ लाई हेरर वा कसैको दवाबमा परेर जनप्रतिनिधि छानिरहेका छौ? हाम्रो चेतनाको स्तर माथि उठ्न नसकेको हो कि हामी उदार बन्ने कुरामा? हामीले पनि नेताहरुले जस्तै आफु भन्दा माथि राष्ट्र लाई राख्न नसकेको हो कि?

अब यी सबै कुराको मुख्य कारण देशमा बिद्यमान राजनीतिक व्यवस्था नै हो | राजनीतिक अन्योल नै हो | जब राजनीति र सासन व्यवस्था स्थिर हुदैन त्यसले राष्ट्रका सम्पूर्ण अंग र क्षेत्रमा असर गर्छ | अहिले को नैरास्यता, अन्योल पनि यसकै उपज हो | अब मङ्सिर ४ मा संबिधान सभाको निर्वाचन हुदैछ | यहि संबिधान सभाको निर्वाचन नै एकमात्र समाधानको बाटो हो | हामि सबै उत्साहित भएर बिबेकपूर्ण हिसाबले यो निर्वाचनमा भाग लिनु पर्छ | प्रतिस्पर्धी मध्येमा मुल्यांकन गरेर  सहि नेत्रित्व दिन सक्ने उमेदवार र दललाई छनोट गरौ | निर्वाचनपछि देशको राजनीति र सासन व्यवस्था ले नयाँ मोड लिने छ | आशा गरौ सकारात्मक परिवर्तन देशमा छाउने छ | तर संगसंगै हामी जनताहरु पनि जिम्मेवार बन्नुपर्छ | भोट गरौ, जिम्मेवार बनौ |